Carita Babad Prabu Siliwangi

Di Handap iyeu salah sahiji contoh Carita babad nu ka koncara mashur na di tanah Jawa. Di bawah salah satu contoh ceria babad bahasa Sunda yang terkenal di tanah Jawa

Carita Babad Prabu Siliwangi

Sanggeus Karajaan Pajajaran diserbu ku para prajuril ti Banten, Prabu Siliwangi saputra garwa katut abdi-abdina nu satia, kaluar ti dayeuh Pajajaran sarta lumpat ka leuweung. Jalma-jama nu masih aya kénéh di luareun karaton terus diserbu ku pasukan musuh. Atuh dayeuh Pajajaran beuki sepi sabab rahayatna loba anu marubus ka leuweung.

Ngan Ki Senapati anu masih kénéh tanggoh, hayang ngalawanan musuh. Ku sabab katénjona bangun gagah hayang némbongkeun kawedukan, manéhna dicoba kasakténna ku Kéan Santang, nyaéta dititah nyabut iteuk. Iteuk ditancebkeun dina taneuh, ku Ki Senapati dicabut sababaraha kali tapi pageuh nanceb henteu kacabut. Ahirna Ki Senapati taluk ka Kéan Santang sarta pamitan rék nyusul Prabu Siliwangi.

Prabu Siliwangi kasampak keur ngarereb di Gunung Cibodas jeung balad-baladna. Manéhna nyarita yén garwana, putrana sarta abdi-abdina dibéré kalonggaran naha rék arasup Islam atawa moal. Sanggeus cacarita Sang Prabu tuluy ngahiang, ngiles sapada harita. Abdi-abdina melengek anéheun. Sawaréh arindit tanpa tujuan. Sawaréh deui cicing taretep di dinya di Gunung Cibodas.

Ari Kéan Santang, terus ngislam-ngislamkeun urang Pajajaran jeung rahayat anu aya di pagunungan nepi ka Sancang, basisir kiduleun Garut.